Жақында осы "Платформа" фильмін көрдік. Адамдардың соншалық ашкөздігін көрсеткенде, жүрек ауырады 😔

Баяғыда бір тақуа адам Алладан қатты қорқып, күнара ораза ұстайды екен. Аузы берік күндері "Ораза ұстадың ба?" деп сұрағандарға "Шынымды айтсам, ұстадым да дей алмаймын, ұстамадым деуге де келмейді" деп жауап береді екен. Ұстағандықтан "ұстадым" деп өтірік айта алмайды, ал "ұстадым" дейін десе, амалы Алланың алдында қабыл болатын кәміл оразаға жата ма, жатпай ма деген күдік жеңіп кете беретін көрінеді. Оның рухани тереңдігін сезбейтіндер "Өзінің ораза ұстаған, ұстамағанын білмейтін не деген есуас адам" дейді екен ол туралы...
⠀
Сол секілді азаннан қас қарайғанша қарныңыз аш болса, аш шығар, бірақ шын мәніндегі оразаны ұстай алып жүрсіз бе?..
⠀

Ютубе каналымда жаңа видео 😊 https://www.youtube.com/watch?v=_7-OgbNqKfs

Қадір түнін әйелдер қалай өткізу керектігіне қатысты сұрақтар көп келген соң видео түсіріп қойдым 😊

https://youtu.be/ENTTY5cU6Ko

Айт мерекесі құтты болсын!

Келесі Рамазанға төрт көзіміз түгел, аман-есен жетуді жазсын!

Телграм каналымды қолға алам деп жиі ойлаймын. Бірақ қалып қоя береді 😔 Қазір енді үзік ойларымды жазатын жер етсем деп тұрмын.

Тамақтану әдетімді өзгертуді бұрыннан ойлап жүрмін. Өйткені жас та болсақ, белгілі бір ауруларымыз бар. Дәрігерге жүгінсек олар «Дұрыс тамақтаныңыз, қуырылған жемеңіз, тәтті жемеңіз, ұнды тағамдарды азайтыңыз. Бәрі тамақтан» деп жатады. Коронавирустың бір пайдасы десек те болар, соңғы кезде өзімнің әрі отбасымның денсаулығы туралы шындап ойланып, аурудың алдын алғым келді. Амал – бізден, шипа – Алладан.
⠀
Осыған дейінгінің бәрі дайындық болатын. Төменде ертеңнен бастап енгізетін әдеттерімнің тізімі. Біріңізге болмаса, біріңізге пайдалы боп қалар деп жазып отырмын. Бір айдан соң нәтижесін тағы жазамын, бұйыртса.
⠀
• Ояна сала аш қарынға 500 мл жылы су ішу;
• Тамақ ішіп отырғанда телефон ұстамау, кітап оқымау, тек тамақ туралы ойлау. Себебі, басқа нәрсеге алданып отырып, байқамай тамақты көп жеп қоюың мүмкін;
• Шанышқы қағидасы. Аузыңа тамақ салған соң қасығыңды не шанышқыңды қолыңда ұстап отырмай, үстелге қоя тұру. Бұл аузыңыздағы тамақты дұрыс шайнауға көмектеседі;
• Үстел басында 20 минуттан артық отырмау, қажет болса таймер қойып қою;
• Консервіленген, қуырылған тағамдардан, полуфабрикаттан бас тарту;
• Глютен, қантты және сиыр сүтінен жасалған тағамдардан бас тарту;
• Таңғы асты оянған соң 1 сағат ішінде ішу;
• Таңғы асқа ақуыз+май (мыс: топл майға пісірілген жұмыртқа) жеу;
• Түскі асқа ақуыз+бұқтырылған көкөніс+май (мыс: ет, қызанақ, қиярды зәйтүн майына араластырып салат);
• Кешкі асқа қиын көмірсу (көкөніс сорпалары, күріш, қарақұмық) жеу;
• Ақуызды тағамдарды кешкі 17.00-ге дейін жеп алу және жанына міндетті түрде көк шөп қосу;
• Күніне сорпа ішу;
• Тамақты тек жануар майына пісіру;
• Күні бойы 2,5 л су ішу;
• 19.00-ден кейін суды азайту;
• Витаминдерімді уақтылы ішу;
• Өлшеулі мөлшерде жеміс-жидек жеу.
⠀
Аптасына 1 күн өзіме қалағанымды жеуге рұқсат беремін. Ал қалған уақытта барынша ұстануға тырысамын. Нәтижесін осында салып тұрармын.
⠀
⠀
#марфу_жекедаму #тамақтану #жақсыәдет #әдет

Бүгін қандай жақсы амал істедім?

Жанұям үшін тамақ әзірледім;
Глютенсіз нан пісірдім;
Өзгелермен білімімді бөлістім;
Аяламен уақыт өткіздім;
20 заттан құтылдым.

Аллаға шүкірлікті өмірімдегі жақсылықтар үшін ғана емес, кейбір келеңсіздіктер үшін де айтып үйренгім келеді. Мысалы, бүгін күн өте ыстық. Соның арқасында жайған кірім тез кепті, Аллаға шүкір деген секілді 😊

Кеше Төрем❤️ екеуміз ерлі-зайыптылардың қарым-қатынасы туралы сөйлестік. Жұптар неге бір-ақ сәтте бір-біріне жат боп кетеді? Неге "әңгімелері таусылады"?

Төрем ❤️ бәрін құндылықтар өзгеруімен байланыстырады. Яғни уақыт өте келе екеуінікі екі түрлі боп кетуі мүмкін дейді. Сондықтан екеуінің бірге дамып отыруы өте маңызды.

Бүгін қандай жақсы амал жасадым?

Аяламен сапалы уақыт өткіздім.
Отбасыма тамақ пісіріп бердім.
Кітап оқуға уақыт таптым.
Көптен ойда жұрген жаңа істі қолға алып жатырмын.
Дұрыс тамақтануымды бұзған жоқпын 😇

Күз берекелі болғай! Жақсы көретін мезгілім. Аллаға шүкір!